(عزازيل) - (قمرعلى سمرقند)- (يوم غائم في البر الغربي) -(يوتوبيا)-(واحة الغروب)-(الكيميائي)-(الحب في زمن الكوليرا)-(موسم الهجرة الي الشمال)-(ثقوب في الضمير)- (حجرتان وصالة)
أتمنى أن أقرأها كلها خلال هذا الصيف !!!
العرض مستمر..
قبل 21 ساعة
هناك 6 تعليقات:
أنا قرأتهم كلهم ماعدا (يوم غائم في البر الغربي)
عزازيل عليها كلام كتير وجدل، لكنها ماعجبتنيش كأسلوب وحسيتها مملة جدا.
قمر على سمر قند لو عديت فيها أول 50 صفحة (اللي قريتهم في شهرين) هتقرا الباقي في يومين، وحسب النسخة اللي هتجيبها لأن طبعة الهلال مش كاملة. جوها مختلف.
يوتوبيا، سيناريو ما بعد المحرقة، مصيبة كئيبة فيها أسلوب د.أحمد خالد النظيف لكنه هيكرهك في العيشة.. قريبة من ستايل نادي القتال رغم إنها مختلفة كتير عنها.
واحة الغروب، رواية عذبة في زمن تاني.. مش أفضل ما كتب بهاء طاهر في رأيي، لكنها فكرتني بفيلم (المريض الانجليزي) وماعرفش السبب، فصل الاسكندر الأكبر مذهل.
أعتقد إنك تقصد (السيميائي) لباولو كويليو، ترجمة بهاء طاهر ادت روح عالية للرواية، لو أول مرة تقرا لكويليو ممكن تبهرك، إنما لو عارف نظامه هتحس إنها تنويع على أفكاره الرئيسية.
الحب في زمن الكوليرا، تفاصيل تفاصيل.. بالنسبة لي كانت شديدة الإملال، رغم نهايتها الجميلة، لكنها رواية حسيتها شبه كلاسيكية.
موسم الهجرة إلى الشمال، الرمز فيها قوي، والطيب صالح أسلوبه مختلف، بس ماحسيتهاش روعة للدرجة.
ثقوب في الضمير ممكن تتفق أو تختلف مع تحليلاته، لكنه كتاب ممتع ومهم.
حجرتان وصالة، من جديد التفاصيل سيدة الموقف، مكتوب عليها (متتالية منزلية) يعني فيه رابط واحد وشخصيات رئيسية شبه ثابتة لكن مفيش حدث في كل قصة، حسيته كتاب بيعلم ازاي تدمج العامية في الفصحى وتوصف أدق التفاصيل بسهولة.
معلش لما شفت عناوين الكتب قلت هييييه حاجة عارفاها :D
انت مختار كتب متباينة على فكرة :)
لو كانوا عندك يبقى مش ناقصك غير الوقت الكافى والمكان الهادئ
وتمنياتنا بقراءة ممتعة
عرض رائع لكتب غاية في الأهمية ، وأشكرك بشدة على الافادة دي ، ونويت ان شاء الله اعمل ترتيب تنازلي للكتب حسب أهميتها ، وخطة زمنية للقراءة .
اختياري للكتب دي بالذات كان من آراء الكثير من الأصدقاء ، ومن خلال الجدل اللي عملته الروايات في الوسط الثقافي بشكل عام ، زي عزازيل مثلا ويوم غائم في البر الغربي وواحة الغروب .
ده غير اني قرأت عمل او اتنين قبل كده لبعض الكتاب زي كويلو وبهاء طاهر وماركيز وأصلان ، ومتأكد تماما اني هاستمتع باللي هاقراه .
وكمان انا بقالي فترة عطشان قراية بسبب الامتحانات ومحتاج أقرأ حاجات كتير !
وعلى كل الأحوال أنا متشكر جدا لتاني مرة يا رنا ، وبجد أنا باهنيكِ على الثقافة العالية دي
تحياتي
في الحقيقة يا موناليزا هما مش عندي !
ولكن سهل اني اجيبهم كلهم أو بعضهم ، وعن الوقت فمفيش أكتر منه بعد نهاية الامتحانات ، والمكان باروح أي قهوة هادية الساعة 9 الصبح اقرا فيها لحد الضهر أو بعديه بشوية !
نورتيني على فكرة
ممممممممممم، ويا ترى قريت أنهي فيهم حتى الآن؟!
غريب راي رنا في عزازيل، فهي في ظني أفضل رواية عربية مؤخرًا....
ـــــــــــــــ
من ناحيتي أفضل "قمر على سمرقند" عن يوم غائم في البر الغربي، لا سيما أن الأخيرة طويلة بطريقة مزعجبة :)
ـــــــــــــــــــ
يوتوبيا فعلاً رواية سخيفة!
ــــــــــــــــــــ
موسم الهجرة للشمال سردها ممتع ومختلف
الحب في زمن الكوليرا لم أقرأها بعد
ــــــــــــــ
تحياتي أيها الشـاعر المجتهد
والله يا ابراهيم مقريتش ولا واحدة ،لأني لسه بامتحن !
بس في زيارة عاجلة ومفاجئة جبت ( لم أعرف ان الطواويس تطير ، وحجرتان وصالة ، وسيدهارتا ، والكون في قشرة جوز) وده كتاب مهم جدا لستيفن هوكنج
موسم الهجرة الي الشمال هاقتنصها من صديق ليا هي وعزازيل حتى لو طلعت مش حلوة
لان الجدل حواليها كتير جدا وعايز أشوف ايه الحكاية .
تحياتي يا ابراهيم
وحقيقي نورتني
وسعيد بوجودك
إرسال تعليق