على حِجر الدنيا !

 تهنئة لصديقي العزيز شاعر العامية

محمد منصور صقر

على صدور ديوانه الأول

( على حِجر الدنيا )

حفل توقيع الديوان في معرض الكتاب

يوم الاثنين القادم 8 فبراير في جناح المحروسة للنشر
الساعة 12 ظهرًا

 الديوان في مكتبات
 Books & Beansفي المنصورة

وأكمل مصر في الاسكندرية

والبلد وحنين وبدرخان في القاهرة

وألف مبروك يا دكتور منصور على ديوانك الأول 

وان شاء الله في نجاح دائم يا صديقي
  
من الديوان

( على قد لحافك )
على أدّ الناس البردانة
أنا عمر البرد ما كتّفنى
السقعة براح
علشان فى السقعة مابندوّرش
على زاوية ضل
مابنتخباش من قرص الشمس
وتحسّى بإن كلامك ليّا
بيطلع همس
إحساس دفيان
يتصاحب ع اللون الأزرق
اللى اتسرسب
م السما هربان
- من غزو الغيم -
واختار يسكن طرف شفايفك
علشان عارفك
شبهى وشبهك
متفصّل على أدّ ملامحك